GORBEIA ESKOLAKO KULTUR ASTEA

2018ko martxoaren 26tik 28ra

Aste labur honetan, urtero bezala, Kultur Astea ospatu dugu eskolan. Astelehenean Literaturaren eguna izan zen: goizean liburu eta diska azoka egin genuen eta arratsaldean ipuin kontaketak. Asteartean, Jolasaren eguna ospatu zen: herri-kirolak eta aspaldiko jolasak egin genituen patioan. Eta, bukatzeko, Zientziaren eguna. Gaurkoan maila bakoitzak esperimentu bat egin eta azaldu die beste ikasleei. Hiru egunetan zehar asko gozatu dugu. Eta orain... oporretara! Ongi pasa!!

FERIA DE INVIERNO - NEGUKO AZOKA

3. mailako ikasleok gaztelaniako proiektu gisa, NEGUKO AZOKA prestatu genuen eskolako gimnasioan. Bertan, era askotako produktuak saldu genituen: guk prestatutako jana eta edana, eskulanak, jostailuak... 

Eskolako ikasle guztiek izan zuten zerbait erosteko aukera eta gure gurasoak ere gerturatu ziren azokara. Lan asko egin genuen baina merezi izan zuen... oso gustura aritu ginen dendari lanetan eta prozesuan asko ikasi genuen, gainera.